Бөтенроссия гаилә, мәхәббәт һәм тугрылык көненә багышланган масштаблы чара үз тамырларын өйрәнергә, тәҗрибә алышырга һәм төрле халыкларның йолалары белән танышырга теләүче меңләгән кешене берләштерәчәк, дип хәбәр итә ТР Мәдәният министрлыгы матбугат хезмәте.

Быелгы фестивальдә төп игътибар мәдәниятләр арасындагы җанлы диалогка һәм интерактив форматларга юнәлтелгән.

Кунакларны түбәндәгеләр көтә:

• Шәҗәрәләрнең зур күргәзмәсе;
• Традицияләрнең интерактив мәйданчыгы;
• Балалар зонасы;
• Хәләл маркет.

Бәйрәм 16:00 сәгатьтә төп сәхнәдә тантаналы концерт белән тәмамланачак.

Фестиваль зоналары ЦУМның эчке бүлмәләрендә дә, керү зонасында да урнашачак. Кунакларны күңел ачу чаралары, бүләкләр уйнату һәм бай бәйрәм программасы көтә.

Фестивальнең программасы:

• 12:00 – 20:00: Лекторий, мастер-класслар, балалар зонасы һәм Хәләл маркет эше.
• 16:00: Тантаналы концерт.
• Көн дәвамында: Кунаклар арасында бүләкләр уйнату.

Керү ирекле.