Республиканың 35 районында — көзге бодай, 6 районында көзге рапс суктыруга керешкәннәр. 20 мең гектардан артык бөртекле һәм 3 мең гектар майлы культуралар суктырылган. Бөртеклеләрдән уртача уңыш — 44 ц/ га, рапстан – 20 ц/га.

Урып-җыюны беренчеләрдән булып Аксубай районыннан Никитин Александр һәм Мөслим районыннан Исламов Илгиз Зәки улы башлаган.

Чистай агрофирмасы иртә бәрәңге җыюга керешкән. Аяз көннәрдә бөртеклеләрнең дымлылыгы көн саен якынча 2%ка кими.

Россельхозцентр хезмәте белешмәләре буенча, көзге бөртеклеләрнең дымлылыгы — 17-55%, көзге рапсның дымлылыгы 10-29% тәшкил итә.

Республика буенча көзге рапс мәйданнары 32 мең гектар, бу узган елга караганда 2 мәртәбә күбрәк, быел чәчү планы 60 мең гектардан артык. Республика өчен әлеге культура яңа һәм перспективалы. Уңдырышлылык сабанныкына караганда бер ярым-ике мәртәбә югарырак һәм иртә урып-җыю исәбенә урып-җыюга финанс ресурсларын тулыландырырга мөмкинлек бирә, дип билгеләп үтте министр.

Республика хуҗалыкларында 411 ашлык киптерү җайланмасы бар, шуларның 119ы дизель ягулыгы куллана.

Икмәк кабул итү предприятиеләренең матди-техник базасы һәм элеваторларның күчмә кабул итүләре ашлык әзерлеген күрсәткән. Берьюлы 2,5 млн. тонна ашлык саклаучы 39 элеватор бар. Ашлыкның былтырдан калганы элеваторларда һәм икмәк кабул итү пунктларында 545 мең тонна.

Бүгенгә планнан 317 мең тонна печән, 99% сенаж әзерләнгән, 1 млн 899 мең тонна сенаж — куллануның 59%ы.

Күпьеллык үләннәрнең 2 нче чабымын 26 район хуҗалыклары җыя. 41 мең га мәйданда чаптырылган. Шул ук вакытта республиканың авыл хуҗалыгы берәмлекләре берьеллык үләннәр һәм катнаш терлек азыгы җыялар. 34 муниципаль районда 40 мең га мәйданда чаптырылган. Бу планның 40%ын тәшкил итә, диелә ТР Рәисе Матбугат хезмәте хәбәрендә.