Казанда Оренбург трактында килеп чыккан авариядә ике кешенең гомере өзелгән. Бу хакта «Татар-информ» республика Баш дәүләт автоинспекторы Рөстәм Гарипов мәгълүматларына таянып яза.
Фаҗига Оренбург трактында 95 нче йорт каршында булган. Honda автомобиле рулендәге 72 яшьлек хатын-кыз электр баганасына килеп бәрелгән.
«Башлангыч мәгълүматларга караганда, рульдәге хатын-кыз, үзен начар хис итүе сәбәпле, машинасы электр баганасына килеп бәрелгән. Иномаркада аның 95 яшьлек әтисе дә булган. Икесе дә хастаханәгә озатылган. Өлкән яшьтәге ир-ат шул ук көнне вафат булган. Хатын-кыз бүген иртән җан биргән», – дип сөйләп үткән Рөстәм Гарипов.
26.05.2026 04:24