Республика Дәүләт автоинспекциясе мәгълүматлары буенча, «Лада Гранта» автомобилен йөртүче каршы як полосага чыккан һәм Chery автомобиле белән бәрелешкән.

ТР прокуратурасы хәбәр иткәнчә, юл-транспорт һәлакәте нәтиҗәсендә «Лада Гранта» автомобиленең йөртүчесе һәм пассажиры – ир белән хатын – алган җәрәхәтләрдән шунда ук һәлак булган. Chery Tiggo автомобиле йөртүчесе һәм пассажиры хастаханәгә озатылган.

Авария урынына Биектау районы прокуроры урынбасары Руслан Гатауллин килде. Әлеге факт буенча уздырыла торган процессуаль тикшерүнең барышы район прокуратурасында контрольгә алынды, дип яза https://tatar-inform.tatar мәгълүмат чарасы.

Кызганычка каршы, юл һәлакәтендә үлүче ир белән хатын-кыз да, шулай ук зыян күрүчеләр дә Әтнә районыннан булып чыгалар.