Абай облысында шахтадан алтын ұрлаған топ ұсталды

Заңсыз алтын өндірісімен айналысқан "қара алтын іздеушілер" тобы ұсталды.

"Жедел-іздестіру шаралары барысында полиция қызметкерлері қылмыстық топтың ізіне түсіп, төрт ер адамды ұстады. Аса ірі көлемдегі ұрлық фактісі бойынша сотқа дейінгі тергеу басталды", — деді Абай облысы ПД ҰҚҚБ бастығы полиция полковнигі Бауыржан Егизбаев

Олардың жанынан металл іздегіштер, респираторлар, кен тасуға арналған қаптар және шамамен 3 килограмм құрамында алтыны бар кен табылып, тәркіленді.

Келтірілген жалпы шығын 3 миллион теңгеден асты. ҚР ҚПК-нің 201-бабына сәйкес өзге ақпарат жариялауға жатпайды.

Сурет: видеодан скриншот, ашық дереккөздерен