9нчы сыйныф укучысы үзенең сыйныф җитәкчесенә пычак белән һөҗүм иткән. Бу хакта «Комсомольская Правда» хәбәр итә.

Фаҗига якынча 08:00 сәгатьтә мәктәп болдырында булган. Яраланган укытучыны хастаханәгә озатканнар, табиблар аның гомере өчен көрәшкән. Әмма соңрак төбәк хакимияте педагогны коткарып кала алмауларын хәбәр иткән.

Зыян күрүче — рус теле һәм әдәбияты укытучысы Олеся Петровна Багута.

Һөҗүм итүче — 17 яшьлек укучы. Ул хокук саклау органнары тарафыннан тоткарланган һәм полиция бүлегенә китерелгән. Мәгълүматлар буенча, үсмер элек тә профилактик исәптә торган һәм берничә тапкыр күчерелмичә кабат укырга калган.

Башта тикшерүчеләр “үтерүгә һөҗүм” маддәсе буенча эш кузгаткан. Әмма укытучы үлеменнән соң, җинаять маддәсе “үтерү”гә үзгәртеләчәк.

Һөҗүм итүче балигъ булмаганлыктан, аңа карата максималь җәза 10 елга кадәр ирегеннән мәхрүм итү булырга мөмкин.

Хәзерге вакытта вакыйга урынында тикшерүчеләр эшли, кирәкле экспертизалар билгеләнгән. Җинаятькә китергән сәбәпләр ачыклана.

Рәсми мәгълүмат буенча, мәктәптә уку процессы штат режимында дәвам итә.

18+