Мәскәүгә хатын-кыз ялдан кайткан, шуннан соң хастаханәгә озатылган, диагноз тестлар белән расланган.

Илдә инфекция таралу куркынычы минималь, чөнки вирус кешедән кешегә түгел, ә йогышлы черки тешләве аша күчә, дип ачыклык керткән ведомство.

Эндемик төбәкләргә Африканың Сахарадан көньяктагы илләре, Көньяк һәм Үзәк Америка, Көньяк‑Көнчыгыш Азия, Көнбатыш‑Тын Океан төбәге, Гарәбстан ярымутравы һәм Һинд субконтиненты керә. Роспотребнадзор туристларга репеллентлар, челтәрләр һәм саклагыч киемнәр кулланырга, ә сәфәрдән соң симптомнар пәйда була калса — табибка мөрәҗәгать итәргә киңәш иткән.

Эндемик регион ул-географик изоляциягә яки тирәлекнең үзенчәлекле шартларына (климат, туфрак) бәйле рәвештә билгеле бер авыру, корткыч яки тере организм төре (үсемлекләр, хайваннар) таралган территория.

2026 елның гыйнварында Роспотребнадзор Һиндстанга һәм Көньяк‑Көнчыгыш Азиягә баручы туристларны нипах вирусы кабыну сәбәпле саклык чараларын үтәргә чакырган. Россиядә авыру очраклары ачыкланмаган. Ведомство шулай ук авыру хайваннар белән элемтәгә кермәскә, кулларны, җиләк-җимеш һәм яшелчәләрне юарга, антисептиклар кулланырга, симптомнар барлыкка килгәндә табибка мөрәҗәгать итәргә киңәш иткән. Вирус хайваннардан, йогышлы азык аша, шулай ук кешедән кешегә күчә.