8 август кичендә Читада Ингода елгасында ике яшүсмер батып үлгән. Аларга 14 һәм 15 яшь булган.

Фаҗига этно-археопарк «Сухотино» янында, су коену өчен җиһазландырылмаган урында килеп чыккан.

Башлангыч мәгълүматларга караганда, су коенганда яшүсмерләрнең берсе бата башлаган. Дусты аны коткарырга ташланган, әмма икесен дә коткарып кала алмаганнар.

Коткаручылар, полиция, табиблар һәм башка хезмәтләр вакыйга урынына килгән. Хәзер һәлак булган яшүсмерләрне эзләү эшләре дәвам итә, фаҗиганең сәбәпләре ачыклана.