Үзе артыннан биек кар өемнәре калдырып бураннар китте, аларга алмашка салкыннар килде. Юлларны, җәмәгать урыннарын юлчылар, коммуналь хезмәтләр чистартса, башка кеше милкендә булган җир кишәрлекләрен кем чсистартырга тиеш соң? Бу сорауга җавапны Арча шәһәре муниципаль берәмлеге башлыгы урынбасары Гүзәлия Нигъмәтҗанова бирә.

“Арча шәһәре советының 2022 елның 22 сентябрендә кабул ителгән 81 номерлы карары белән расланган “Арча шәһәре” муниципаль берәмлеген төзекләндерү кагыйдәләренең 11, 40 статьялары нигезендә барлык җир кишәрлекләре хуҗалары, милек формасына карамастан, үзләренә караган территорияләрне үз хисапларына тәртиптә тотарга һәм чистартырга тиеш, – диде ул. – Шул ук вакытта муниципаль берәмлек муниципаль контрактлар буенча каралган җәмәгать территорияләрен, шулай ук җирле әһәмияттәге юлларны чистартуны тәэмин итә”.