Бүлмәләрдә температураны саклау да мөһим. Имтихан тапшыручыларның хокуклары ничек саклануын әти-әниләр дә күзәтә алачак. Ләкин барысы да түгел. Моның өчен гариза язып, белем алырга туры киләчәк.

Быел БДИда катнашу өчен 747 меңнән артык кеше теркәлгән. 20 мартта төрле сәбәпләр аркасында, вакытыннан алда тапшыручылар белемнәрен сыный алачак. Әлеге этапта 2,5 меңнән артык кеше катнашырга җыена. Төп чор исә 1 июньдә башланып, 9 июльгә кадәр дәвам итәчәк. Ә 4 – 25 сентябрьдә укучыларга имтиханнарны кабат бирү мөмкинлеге булачак. БДИда күчермәвең хәерлерәк. Кырын эшкә баручыларны төгәл ачыклаячакбыз, дип кисәтәләр.

– Микронаушниклар яки видеокамералы күзлекләр кебек акыллы җайланмаларны да билгеләргә өйрәндек. Ялган эшләр, язуларны ясалма интеллект ярдәмендә ачыклап була. Шик ачыкланганда экспертизага җибәреләчәк. Узган ел шул рәвешле җитмеш очрак барланды, шуның егермесе расланды. Бер егет хәтта югары уку йортыннан куып чыгарылды, чөнки БДИ нәтиҗәсен гамәлдән чыгардылар, – дигән Рособрнадзор башлыгы Анзор Музаев.

Сүз уңаеннан, хәзерге вакытта Татарстанда “Яшьләр һәм балалар” илкүләм проекты гамәлгә ашырыла.