Татарстан Рәисе Рөстәм Миңнеханов Алексеевск районына эш сәфәре барышында Татарстан Республикасының Электрон мактау тактасын булдыруга карата фикерен белдерде.
– Бу бик дөрес. Хезмәт кешесенең абруе булырга тиеш. Югыйсә бездә спортчылар, артистлар… Мин каршы түгел. Әмма иң мөһиме – хезмәт кешесе, – диде ул.
– Безне кем ашата? Кем безгә ниндидер әйберләр булдыра?”- диде Татарстан Рәисе.
– Сез күз алдына китерегез: торак-коммуналь хуҗалык, юл хуҗалыгы. Шуңа күрә бу юнәлешне хупларга кирәк, — диде Рөстәм Миңнеханов.
Электрон мактау тактасын булдыруда 5 меңгә якын эре һәм кече оешма-предприятие катнашты. Алар 15 меңнән артык хезмәткәрне тәкъдим итте. Алар арасында хөрмәткә лаек ветераннар, тәҗрибле белгечләр, махсус хәрби операция ветераннары бар. Электрон мактау тактасы белән биредә таныша аласыз.